|
|||
|
فارس ئه‌ڵێ ئێمه دوژمنی خۆمان به‌لۆكه سه‌ر ئه‌بڕین.... هه‌ردی عه‌بدول |
|||
|
03-10-2003 01:07 |
|||
|
داگیركه‌رانی كوردستان به‌حوكمی ئه‌وه‌ی كه سه‌دان ساڵه حكومه‌تن و ده‌سه‌ڵاتی سیاسی وسه‌ربازی و ئابووری فراوانیان له به‌ر ده‌ستدایه، زۆر زیره‌ك ترو فێڵبازترن له‌وه‌ی كه ئێمه‌ی كوردی بن ده‌ست ته‌سه‌وری ده‌كه‌ین، هه‌ر بۆیه فرت وفێڵه‌كانیان ماوه‌یه‌كی زۆری ده‌وێت تا ئاشكرا ببێ، له‌و ماوه‌یه‌شدا خه‌ڵكانێكی زۆر توشی داوی ئه‌وانه ده‌بن و له گه‌ڵ تێپه‌ڕبوونی كاتیش ده‌رفه‌ته زێرینیه‌كان له ده‌ست ده‌چن. له سه‌رده‌می عوسمانیه‌كاندا له كوردستاندا ئه‌وه‌یان بڵاوده‌كرده‌وه كه هه‌ر كه‌سێك ڕوبه‌روی عوسمانیه‌كاندا بوه‌ستێته‌وه ته‌ڵاقی ئه‌كه‌وێت و له‌و دنیاش ده‌خرێته ئه‌و دۆزه‌خه‌وه كه سه‌دان هه‌زار به‌رمیل نه‌وت له چركه‌یه‌كدا ده‌سووتینێ، ئه‌وكات و ئێستاشی له‌گه‌ڵدا بێت چینێكی زۆر له گه‌لی كورد له به‌ر ته‌ڵاقه‌كه‌و ترسی ئه‌و دۆزه‌خه، گیانی به‌ره‌نگار بوونه‌وه‌ی دوژمنانیان تیادا مرد، یان كه‌سێكیان لێ ده‌رچووه كه ئه‌گه‌ر دنیاش بروخێ، ئه وان نه‌بایان دیوه‌و نه‌باران. پێ به پێی گۆرانكاریه‌كانیش داگیركه‌رانی كوردستان یش به دوای ته‌ڵه‌و داوی تازه‌دان بۆ له خشته‌بردنی هه‌رچی زیاتری گه‌نج ولاوی كوردو دورخستنه‌وه‌یان له ڕێبازی نه‌ته‌وایه‌تی و ئازادی گه‌له‌كه‌یان به بیانووی جۆراوجۆر، ئه‌وه‌تاچه‌ندین كه‌س كه ئاماده كراون بۆ مه‌به‌ستێك، بێ په‌رده له‌به‌ر چاوی گه‌لی كوردا كوردایه‌تی سوك ده‌كه‌ن واش ئه‌زانن خه‌باته و به‌و كاره‌یان خزمه‌ت به چینی كرێكاران ده‌كه‌ن، ئه‌و كات به‌ره‌نگار بوونه‌وه‌ی داگیركه‌ره‌عوسمانیه‌كان ته‌ڵاق كه‌وتن بوو. ئه‌مڕۆ به‌ره‌نگار بوونه‌وه‌ی داگیركه‌ران و داواكردنی ئازادی وسه‌ربه‌خۆیی بۆگه‌لی كوردله‌سه‌ر خاكی خۆی شه‌رمه‌زاریه، شه‌رمه‌زاریه بۆ هه‌موو به‌شه‌ریه‌ت. حككع له لایه‌ن خه‌ڵكانی (پان فارس) وه دروست كراوه بۆ تیرۆری سیاسی گه‌لی كورد كاری پێ ده‌كرێ و هه‌ڵده‌سورێنرێ بێجگه له‌وه هیچ كارێكی تری نیه، ئه‌وه‌تا ڕژێمی ئێران كون به‌كون به دوای خه‌باتكاران وسه‌ركرده‌سیاسیه‌كان وئازادی خوازانی كوردی رۆژهه‌ڵاتدا ده‌گه‌ڕێ تیرۆریان ده‌كات، (حككع) و (حكك ا) یش تیرۆره سیاسیه‌كه‌ی پێ سپێردراوه. * كۆمه‌ڵه‌ی ئێران حیزبێكی سیاسی گه‌وره بوو له سه‌ر ئاستی كوردستانی ڕۆژهه‌ڵات و ئێران و كوردستانی باشوریش، پارتێك بوو هه‌موو دامه‌زراوو مووئه‌سه‌ساتی حكوومه‌تی دروستكردبوو ته‌نها ده‌سه‌ڵات گرتنه‌ده‌ستی مابوو. ئه‌گه‌ر حكومه‌تی سه‌رمایه‌داری ناسیونالیستی ئێران هه‌وڵی له‌ناوبردنی كۆمه‌ڵه‌ی بدایه، پێش هه‌موو شتێك ئه‌و كاره كاتێكی زۆر زۆری ئه‌ویست بودجه‌یه‌كی ئێجگار زۆرو زه‌ره‌رروزیانێكی گیانی وماڵیشی لێ ئه‌كه‌وت ئه‌وسا نه‌شی ئه‌توانی به‌و ده‌رده‌ی به‌رێ كه كاك مه‌نسور به‌سه‌ر كۆمه‌ڵه‌یدا هێنا. * مه‌نسور بۆچی له ناو كارگه‌و شركه‌ته‌كانی ئێران و له ناو كرێكارانه وه خه‌باتی گواسته‌وه بۆ لادێ دووره ده‌سته‌كانی كوردستان؟ ئایا هه‌ر كوردستان شاخی لێیه تاكو ئه‌م هاوڕێ یه خۆی تیا بشارێته‌وه؟؟ * خۆ هه‌ر هاوڕێ مه‌نسور وانه‌بوو ئه‌وه‌تا ئه‌وانه‌ی كه به میراتیش بۆمان ماونه‌ته‌وه هه‌ر وه‌ك ئه‌و وان ئه‌وه‌تا له ئه‌وروپاوه له مه‌ڵبه‌ندی سه‌رمایه‌داری و كارگه‌‌ی گه‌وره و خاوه‌نی ملێۆنه‌ها كرێكاری هوشیاره‌وه به‌ره‌و كوردستان ئه‌گه‌رێنه‌وه. باشه دێنه‌وه بۆ كوردستان بۆ ئه‌وه‌ی كه‌چی بكه‌ن؟؟؟؟؟!!!!! ته‌نها شت كه له ڕه‌وشت و هه‌ڵسووكه‌تیدا له مانه بچێت ئه‌و مریشكه‌یه كه هێلكه‌كانی ئه‌دۆڕێنێ. واته ئه‌و مریشكه‌ی كه هێلكه‌كه‌ی بۆ خه‌ڵكه و ڕیقنه گه‌وره‌كه‌شی بۆ خاوه‌نه‌كه‌ی.
|
