|
|||
|
خۆ تۆ ووتت .... عماد ئه‌حمه‌د |
|||
|
19-11-2003 19:41 |
|||
|
خۆ تۆ ووتت ؛ چاوانی تۆو گزنگی خۆر، هه‌ناسه‌ی تۆو بۆنی نێرگز، چرپه‌ی تۆو ئاوازی عیشق، له یه‌ك ئه‌چن ! كه وون ئه‌بم له چاوانتا خۆم ئه‌بینم ! كه هێلانه‌م لێ ئه‌شێوێ له كه‌ژاوه‌ی دڵتا ئارام ئه‌گرم ! تۆ سابات و تۆ ئاسۆ و تۆ گزنگ و تۆ خه‌ونی نه‌بڕاوه‌ی منی ! من له ئامێزتا له دایك بووم و هه‌ر له‌وێشدا ئه‌مرم ! ** ** ** خۆ تۆ ووتت ؛ له هه‌نگاوتا به‌رده‌بازو له ماندووییتا پشوویه‌ك و له ئازارتا هه‌توانێكم بۆ ساڕێژت ! بێ خه‌م به دڵ، عیشقی تۆ پڕ به دنیایه. . . بێ كۆتایی ! وا هه‌ست بكه پیره‌مه‌گروون له پشتتایه ! ئێمه له خه‌ونێكدا پشكووتووین و هه‌ر پێكه‌وه‌ش هه‌ڵئه‌وه‌رێین ! ** ** ** خۆ تۆ ووتت ؛ ساتێ بێ تۆ گوزه‌ر ناكه‌م له كانیاوی دڵتا نه‌بێ مه‌له ناكه‌م ! تۆ شه‌ماڵی. . . به بوونت ئه‌شنێمه‌وه ! تۆ سۆما و تۆ ژیانی. . . تۆ له خۆر ئاوابوونما هه‌ڵهاتی ! كه‌چی گوڵم. . . نه‌تئه‌زانی، منی شه‌یدای هه‌ناسه‌ی تۆ ! منی هۆگری ڕوحی تۆ ! جگه له دڵێكی زنجیركراو چی شك نابه‌م ! هه‌ر بۆیه زوو لێك دابڕان له خه‌ونی ئه‌مڕۆ و سبه‌ی كردین!
نۆڤه‌مبه‌ری
|
