|
|||
|
خه‌می سوور. . . . دڵشاد ئیبراهیم |
|||
|
25-12-2003 01:13 |
|||
|
ئه‌ی تاقانه‌ی. . داستانی عیشقی پڕ حه‌سره‌ت. . ئه‌وه‌ی به‌سه‌رمانا ڕابوورد مێژوویه‌ك بوو له خه‌می سوور. . ! له ئه‌شكی ڕووتی بێ‌سنوور. ! كه له‌ناخی قه‌تماغه‌ی زامه‌كانه‌وه ڕژانه ناو ده‌ریاچه‌ی هه‌ستی پڕ غوربه‌ت. . هه‌موو ته‌مه‌نی مناڵی خه‌یاڵه نه‌وره‌سی‌یه‌كان له دڵمانا بوونه توێژاڵێك له چرپه‌ی نیگا دووره‌په‌رێزه‌كان. . ! ئه‌و نیگایانه‌ی هه‌ر‌جارێك له‌گه‌ڵ ژوانی سه‌حه‌ریی خۆیان ئه‌كرده ناو ژووری گه‌رم‌وگوڕی نێوچاوانمان تا نه‌كه‌ونه به‌ركزه‌بای سه‌رمای وه‌رزه چاوبرسییه‌كان. . ! هه‌ربه‌گه‌رمی له‌گه‌ڵ سۆزا ببنه خۆراكی ئه‌وینی ئه‌ندێشه‌ی قووڵی شێوانمان. . هه‌موو زه‌مه‌نی سوورباوی ئه‌م عیشقه‌مان له‌گه‌ڵ هه‌ستێكی شێواوو. . . چاوی پڕ ئه‌شكی خوێناوو. . . ئومێدی خه‌ونی ژاكاوو. . . لانه‌ی جێژوانێكی ڕووخاوا به‌سه‌ربرد. . ! تێشووی ڕێمان چارۆكه‌یه‌كی خاڵی بوو ووچانمان ئاهێكی قووڵی ساردو‌سڕی بێ‌حاڵی بوو دڵمان ناسك. . چاو چاوه‌ڕێ وه‌ك ده‌ورانی مناڵی بوو. . ! هه‌موو ساتێك بۆنی خه‌م‌و. . ڕه‌نگی خه‌م‌و. . ده‌نگی بولبولی ماته‌م‌و. . هه‌ستی بێزاری‌و سته‌م بوو. . ! به‌سه‌رهاتی زین‌ومه‌م و. . ناڵه‌ی دووری وه‌لی‌وشه‌م بوو. . !
تاران 13-9-1998 |
