هةلَبذاردن و ضارةنووسي كوردستان ... سلَصمان عةبدولآ يونس

 

كوردستان به‌هه‌ڵبژاردنی په‌رله‌مانه‌ هه‌رێمیه‌كه‌ی خۆی له ئایاری سالی 1992 دا ناو و ناوبانگێكی باشی په‌یدا كرد، حكومرانی كوردی له خه‌ون و خولیاوه كرد به‌ئه‌مری واقیع، جیاوازیه‌كانی له گه‌ل ده‌وله‌تانی دراوسێ و ده‌ورووبه‌ردا به‌زه‌قی ده‌ركه‌وتن، به‌لام مخابن هه‌لگیرساندنه‌وه‌ی شه‌ری ناوخۆ بواری گه‌شه‌كردنی دیموكراسیانه‌ی ئه‌م ئه‌زمونه تاقانه‌یه‌ی ناوچه‌كه‌ی یه‌كجار ته‌سك كرده‌وه‌و له‌دوا جاریشدا كردی به‌دوو كه‌رته‌وه، ئێستا پاش تێپه‌ربوونی زیاتر له دوانزه سال به‌سه‌ر ئه‌م هه‌لبژاردنه‌دا و ئه‌و هه‌موو گۆڕانه گه‌وره‌و گرنگانه‌ی به‌سه‌ر عێراق و ناوچه‌كه‌و بگره جیهانیش دا هاتوون، ئه‌گه‌رچی هه‌ڵبژاردنه‌وه‌ی په‌رله‌مان بۆ كورد و ئه‌زموونه‌كه‌ی كارێكی هه‌نوكه‌یی و گرنگه به‌ڵام له‌وه‌ش گرنگ تر ئاینده‌ی هه‌موو كورده، ئاینده‌ی كوردستانه له‌سه‌ر نه‌خشه‌ی عێراقی نوێ، من وای ده‌بینم له ئه‌مڕۆدا بۆ كورد گرنگ نی‌یه یه‌كێتی‌ی یان پارتی هه‌ڵبژاردنی ئه‌م جاره ده‌باته‌وه جونكه ئه‌وه مه‌سه‌له‌ی دووه‌مه، مه‌سه‌له‌ی یه‌كه‌م و هه‌ره گرنگ به‌ده‌ستهێنانی ‌مافی چاره‌نوسه‌ئه‌ومافه‌ی روبارێك له خوێن و ئاره‌قه‌و فرمێسكمان ڕشتووه له پیناویدا، هه‌ربۆیه له‌ئه‌مڕۆدا كورد له‌ هه‌موو كات زیاتر پێویستی به‌یه‌كبوون و یه‌كگرتن و یه‌ك گوتارێ سیاسی هه‌یه، پێویست ده‌كات هه‌موومان به‌‌تایبه‌ت حیزبه كوردستانیه‌كان به‌رژه‌وه‌ندیه‌كانیان بخه‌نه ئه‌ولاوه‌و هه‌موو قورسایی سیاسی و ئابوری و سه‌ربازی خۆیان بخه‌نه خزمه‌ت مه‌سه‌له‌ی ره‌وای میلله‌ته‌كه‌مان‌وبه‌پیی یاساو له‌ده‌ستوردا مافه نه‌ته‌وایه‌تیه‌كانی بۆ مسۆگه‌ر بكه‌ن و سنوری كوردستان و شاره ته‌عریب كراوه‌كان چاره‌نوسیان به‌قازانجی مه‌سه‌له‌ی كورد یه‌كلایی بكرێته‌وه، كورد پشكه‌به‌شی سیاسی خۆی له‌عێراقدا مسۆگه‌ر بكات و ناسنامه‌ی كوردستانی بوونی كه‌‌‌ركووك به‌حكومه‌تی عێراقی بسه‌لمێنێ.كورد هه‌ڵبژاردنیكی ده‌وی كه‌كورد تیایدا براوه‌بێ نه‌ك پارتی یان یه‌كیتی‌ی، چونكه كورد ده‌بی له‌گه‌ل عه‌ره‌بدا مه‌سه‌له‌كانی خۆی یه‌كلایی بكاته‌وه له‌عێراقدا، ده‌بێ یه‌كیتی‌و پارتی له‌ پێشدا شه‌ر له‌سه‌ربه‌شی كوردو چاره‌نووسی كورد بكه‌ن نه‌ك له‌سه‌ر به‌شی خۆیان له نێو مالی دووكه‌رتبوی كورددا، زۆرم به‌لاوه سه‌یره هێشتاش عه‌قڵی پاوانخوازی زال بێت به‌سه‌ر بیركردنه‌وه‌ی پارتێكی كوردیداوله‌م زروف و هه‌لومه‌رجه‌ ناسك و چاره‌نوس سازه‌دا وای لیبكات داوای له سه‌دا په‌نجاو پێنجی برا گه‌ورانه‌ی خۆی بكات له‌و كورده‌ی هێشتا سفر له سه‌دای وه‌رگرتبیت له‌ عیراقدا.