|
|
|
13-05-2011 04:34 |
|
دیسان ئه‌نفال .... هه‌ردی عه‌ول
له‌گه‌ڵ ئه‌و جوانه پاكانه‌ی له‌ده‌ورم مه‌یتیان ڕیزه له‌خوێنا وێنه شێواوین ، به دایكمان بناسێنه !... گۆران
كاره‌ساته كاره‌سات!! زمان‌وقه‌ڵه‌م و نووسین عاجزن له وه‌سفكردنی ئه‌و تاوانه دڕندانه‌یه هه‌رچه‌ند ده‌كه‌م نازانم له‌كوێی ئه‌و تاوانه‌وه ده‌ست پێ بكه‌م وچۆن كۆتای به‌ووشه‌كانم بهێنم . منیش وه‌ک ئێوه‌م براو خوشكانی خۆشه‌ویستم دڵم پره، گریان قوڕگی گرتووم فرمێسك دڵۆپ دڵۆپ له‌چاوم دێته‌خوار. ئێمه‌ی ئاواره‌له چوار دیواری ژووره‌كانماندا به‌ته‌نهایی و بێكه‌سی تاكه ترووسكایی چاوه‌كانمان ئه‌و ڕوناكیه‌یه كه‌له وڵاته‌وه له‌شاشه‌ی ته‌له‌فزیۆنه‌كانمانه‌وه دێته دڵمانه‌وه. به‌ڵام ئێستا دوای كاره‌ساتی پایته‌خته‌كه‌م، شاره دێرینه‌كه‌م، شاری خه‌ڵكی به‌وه‌فاو دڵسۆزه‌كه‌م، هه‌ولێره‌كه‌م شاره‌كه‌ی دڵ وگیانه‌كه‌م ، گوڵی سه‌رسینگی كوردستانه‌که‌م كه‌وته به‌ر ڕه‌شه‌بای جه‌هل‌و ئه‌نفال وسه‌ربڕین وئه‌تك كردن وسوتاندن وقه‌تڵ و عام . هه‌ولێره‌كه‌م كه‌وته به‌ر هێرشی میراتگرانی كولله خۆر و حه‌رباو قۆڕیه‌كانی بیابان. ئاخر چۆن نه‌گریم ، ئاخر خۆ ئه‌و ده‌عباو ده‌عه‌جانیانه‌ی هه‌‌ڵگری عه‌قڵیه‌ت و كلتووری جه‌زیره‌ی عه‌ره‌ب نازانن جوانی مانای چی، كه‌ی له گڕوگاڵی مناڵان تێده‌گه‌ن!؟ چوزانن ژیان چی یه و جه‌ژن و خۆشی چی‌یه و پێكه‌نین چۆنه؟! چوزانن كه‌ژو كێو گوڵ‌و نێرگس وكانیاوو ڕووبار چه‌‌ند جوانه، چووزانن باران و به‌فر چه‌نده جوانن كه به‌سه‌ر ده‌شت وده‌رو مێرگه‌كاندا ده‌بارێ، ئاخر ئه‌وان له لم وتۆزو ڕه‌شه‌باو خۆڵ بارین، دڕك وحوشترالووك گه‌رماوسه‌رابی بیابان زیاتریان نه‌دیوه چاوبرسی و دڕنده‌ن، بۆیه وه‌ك و وه‌حشی و سن وكولله په‌لاماری هه‌مووشتێك ئه‌‌ده‌ن، ده‌خۆن ده‌كوژن ده‌دزن و به‌غیلیان به هه‌موو جوانیه‌ك دێت. ئاخر ئه‌م دڕندانه چاوه‌ڕێی چییان لێ ده‌كرێ؟؟ چاوه‌ڕێی ئاوه‌دانی؟! چاوه‌ڕێی ژیان و گوڵ ڕواندن؟! پێكه‌نین؟! جوانی؟! خۆشه‌ویستی؟! مرۆڤایه‌تی؟! هاهاها هاهاهاها .
|
|
|
|
|
