لةنصوان كاشي مةسعود و ضاي ئةحمةد .... ئاسؤ بيارةيي

ئه‌مه‌ی ئه‌ینووسم زۆرباسی له‌سه‌ركراوه و نووسراوه، هه‌ندێ جاریش له‌به‌ر گوێنه‌دانی میدیای كوردی (به‌تایبه‌تی كه‌ناڵه‌ئاسمانیه‌كان) مه‌سه‌له‌كه‌‌ بێتام و كاڵ و كرژبووه.

 له‌كوردستانی باشوردا، كوردستانی دواڕۆژفیدراڵدا، میدیاخاوه‌نده‌سه‌ڵاته‌كان زۆركه‌م گوێئه‌ده‌نه بڵاوكردنه‌وه‌ و به‌هێزكردنی زمانی كوردی، به‌ڵكو ئه‌گه‌ر مرۆڤ سووكه‌سه‌رنجێكی ڕۆژانه له‌كه‌ناڵه‌كوردیه‌كان بدات، ده‌رئه‌نجام ته‌نها ئه‌وه‌ئه‌بینێ كه‌ڕیكلامه‌كان و هه‌ندێ گورانی كوردی لێئه‌درێت. په‌خشی عه‌ره‌بی و فارسی و توركی زاڵه.

 كه‌حشع چه‌نده‌ها ساڵه ده‌یووت :‌چاره‌سه‌ركردنی مه‌سه‌له‌ی كورد له‌ عیراقدا به‌پرۆسه‌ی دیموكراتی عێراقه‌‌وه به‌نده، ده‌بووه مایه‌ی تیرو تانه‌ی هه‌ردوو زلهێزه‌كه‌ی كوردستان زۆرجاریش پێشمه‌رگه‌ شیوعیه‌كانیان به‌وه تاوانبارده‌كرد كه‌شیوعیه‌كان خه‌بات بۆ عیراق ده‌كه‌ن و هیواو و ئاواتی گه‌لی كوردستانی باشور ده‌كه‌نه قوربانی‌ پیرۆزی یه‌كگرتنی خاكی عێراق و عه‌ره‌ب.

 پرسیاره‌كه ‌ئه‌وه‌یه كه‌ئاخۆ ئه‌مڕۆ ئه‌ولایه‌نانه‌ چی به‌جه‌ماوه‌ری كورد ئه‌ڵین كه‌میدیا و ده‌سه‌ڵاتی خۆیان ته‌رخانكردوه بو یه‌كگرتنه‌وه‌ خاكی عروبه‌ی عێراق، به‌ڵكو نوێنه‌رایه‌تیش ده‌كه‌ن و ئه‌و ئاڵایه‌ كه‌بۆنی خوێن و ئه‌نفالی هه‌زاره‌ها مرۆڤی سیڤیلی كوردی لێوه‌دێت به‌ئاڵای خۆیانی ئه‌زانن و ‌هێشتا له‌كوردستان شه‌كاوه‌یه؟؟؟؟، به‌ڵكو عیراق گۆڕستانێكی به‌كۆمه‌ڵ و نێشانه‌یه‌كی پێشێلكردنی مافی مرۆڤه له ‌ناوچه ‌و جیهاندا.

 ئایا ئه‌وه درێژه ‌به‌ته‌عریبكردن نیه كه‌ڕۆژانه‌ پارته‌خاوه‌نده‌سه‌ڵاته‌كانی كوردستان له‌ته‌له‌فیزیۆنه‌كانیان هه‌رباسی پیرۆزی عروبه‌ی عێراق ده‌كه‌ن، زیاتر له‌ دووبه‌شی به‌رنامه‌و میدیاكانیان به‌عه‌ره‌بییه و خۆیان كروه‌ته ‌خه‌مخۆر و ناوبژیكه‌ری نێوان شیوخه ‌به‌عسیه‌كانی سه‌دام و هێزه‌كانی هاوپه‌یمانان، له‌هه‌مان كاتدا به‌رنامه‌یه‌ك و پرۆژه‌یه‌كی دیار و ڕونیاننیه كه‌گه‌لی كوردی باشور له‌ڕاڕایی و بێچاره‌نووسی ڕزگاربكات، كه‌سبه‌ی ئه‌وه‌شمان هه‌یه‌ نه‌بێته ژێرپۆستاڵی داگیركه‌رانه‌وه. بگره به‌رنامه ‌به‌رنامه‌ی یه‌كگرتنه‌وه‌ی خاكی عێراقه. .

 میدیا و ده‌زگای ڕۆشنبیری پارته‌خاوه‌ده‌سه‌ڵاته‌كانی كوردستان وایان لێهاتووه بوونه‌ته سه‌رچاوه‌ی ڕیكلامی ئابوری و شوێنی قازانج و هه‌ڕاجكردن. ڕیكلام بۆ (كاشی مه‌سعود و چای ئه‌حمه‌د) جێگه‌ی ده‌ربڕین و چاره‌سه‌ركردنی گیروگرفتی ڕۆژانه‌ی هاووڵاتیانی گرتووه‌ته‌وه. له‌وه‌ش ترسناكتر دیسان گرێدانه‌وه‌ی ئابوری كوردستانی باشور به‌ئابوری بێبه‌رنامه‌ی ووڵاتانی عه‌ره‌بیه‌وه به‌ڕێوه‌یه.

2004-5-10

سه‌رچاوه‌كان: په‌یڕه‌‌وپرۆگرامی حشع. كه‌ناڵه‌ئاسمانیه‌كانی كوردستان