كوردسات و أيكلامكردن بؤ كالآي بياني و دوو وشةيتر... أؤذ ئةورةحمان
له‌دوای نزیکه‌ی
چوارده‌ساڵ له‌ده‌سه‌ڵاتدارێتی کوردی به‌ڕابه‌رایه‌تی مۆنۆپۆڵکراوی پڕله
ڕکه‌به‌رایه‌تی پارتی و یه‌کێتی تازه‌به‌تازه‌کوردسات به‌ڕێکلامکردن بۆ
که‌لوپه‌لی ووڵاتانی له‌کاروان به‌جێماوی وه‌کوو پاکستان وئێران وتورکیا
ده‌یه‌وێت خۆی وه‌کوو که‌ناڵی ووڵاتانی دیکه بخاته‌ڕوو... ئاشکرایه که
که‌ناڵه‌کانی تیڤی ووڵاتانی جیهان ڕێکلام ده‌ئاخننه نێوفیلم
وپرۆگرامه‌کانیانه‌وه، هه‌ربۆیه کوردسات
وکوردستان ــ تیڤی
ڕکه‌به‌ریشی به‌‌‌چاولێکه‌ری هه‌مان ڕێچکه‌یان گرتۆته‌به‌ر، به‌بێ ئه‌وه‌ی
بزانن مه‌به‌ست له‌ڕێکلام چییه...إإ کاریگه‌ری له‌سه‌رئابوری و دارایی
ووڵات چییه...وچه‌نده؟ سوودوقازانجی بۆ کێییه؟
که‌ی وله‌کوێدادا
ده‌به‌زێنرێت.. بۆ چ کاڵایه‌ک ده‌کرێت...؟ ته‌نانه‌ت چۆنیش ده‌کرێت إإ
چونکه هه‌ندێک له‌و
ڕێکلامانه‌ئه‌وه‌نده زێده‌ڕۆیی تێداکراوه که‌بونه‌ته‌جێگای پێکه‌نین و
گاڵته‌جاڕی بۆبینه‌ر.
خه‌ریکی نوسینی ئه‌م
دێڕانه‌بووم دۆستێکم ڕووی تێکردم و گووتی: ئه‌ی تۆده‌ته‌وێت ڕێکلام بۆ چی
بکه‌ن..؟
خۆخۆمان وه‌کووکورد
هیچمان نیه تاڕێکلامی بۆبکه‌ین..إإ
گووتم
زۆرڕاسته‌ئه‌منیش ده‌زانم که خۆمان له‌سایه‌ی سه‌ری دوو سه‌رکرده که‌ی
شه‌ڕی ناوخۆوه شتێکمان نیه‌تا ڕێکلامی بۆبکه‌ین له‌خودی خۆیان
وحیزبه‌کانیان زیاتر، به‌ڵام خۆ ئیتر ئه‌مه‌نابێت بکرێته‌پاساوبۆئه‌وه‌ی
که خۆمان به‌ماڵی خه‌ڵکی تره‌وه‌هه‌ڵبكێشین بکه‌وینه‌ڕێکلام کردن بۆکاڵای
بێگانه‌وبه‌تایبه‌تیش کاڵای ووڵاتانی وه‌کووتورکیاوئێران که‌به‌شێکی
گه‌وره‌له‌بودجه‌ی ساڵانه‌یان ته‌رخانه‌بۆکاری تیرۆریستی وسڕینه‌وه‌ی
ناسنامه‌و که‌سایه‌تی کورد له ووڵاته‌کانیاندا..
جێگه‌ی
سه‌رنجه‌‌که‌له‌‌نێوخه‌ڵکی ئه‌وروپاییدازۆرهه‌ن که که‌که‌لوپه‌لی تورکی
ناکڕن چونکه پێیان وایه که‌تورکیا هه‌ڵوێستێکی نادروستی
هه‌یه‌له‌به‌رانبه‌ر گه‌لی کورددا...که‌چی کوردخۆی نه‌ک هه‌رده‌یکڕێت
ئه‌وه‌تاڕێکلامیشی بۆ ده‌کات...
ئاخر گه‌وره‌ترین
به‌دبه‌ختی له‌وه‌دایه‌که‌کۆمه‌ڵگایه‌ک خواردنه سه‌ره‌کیه‌که‌ی
بۆنموونه.. برنج.. [که‌له‌کوردساته‌وه ڕێکلامی بۆده‌کرێت ] له‌ڕیزی
پێشه‌وه‌ی هاورده‌کانیدابێت و به‌رهه‌مێکی خۆماڵی نه‌بێت که وه‌ک خواردنی
سه‌ره‌کی ڕۆژانه به‌کاری بهێنێت..
ووڵاتێکی وه‌کووسوید
په‌تاته خواردنی سه‌ره‌کیه‌تی و په‌تاته‌یش مێژوویه‌کی تایبه‌تی خۆی
هه‌یه‌له‌لایان،
ته‌نانه‌ت وه‌ک
فاکته‌رێکی گه‌وره‌ی وه‌رچه‌رخان له‌کۆمه‌ڵگه‌ی
کشتوکاڵییه‌وه(فیوداڵی)بۆپیشه‌سازی ده‌ژمێررێت.. به‌ڵام گرنگی
بابه‌ته‌که‌له‌وه‌داییه‌که‌ئه‌وپه‌تاته‌یه‌به‌رهه‌مێکی خۆماڵی
بووه‌وزۆرکه‌م له‌ده‌ره‌وه‌هێنراوه، هه‌ربۆیه‌یش توانیوویه‌تی ڕۆڵێکی
ئه‌واگه‌وره‌ی هه‌بێت له‌و وه‌رچه‌رخانه مێژووییه مه‌زنه‌دا...
دوو وشه‌ی تر.....
به‌ڕاستی
چاکتربووئه‌ودووکه‌ناڵه‌ئاسمانیه‌ناوی کوردوکوردستانیان له‌خۆنه‌نایه
هه‌رپیوکه‌ی ــ تیڤی، [کۆدێپێ یان بارزانی ــ تیڤی مایکرۆفۆن زه‌رد ]
بوونایه..گاڵته‌جاڕییان به‌کوردوبه‌خۆیشیان نه‌کردایه..
چونکه هه‌مووشه‌وێک
هه‌واڵه‌کانیان به‌سه‌رۆک بارزانی له سه‌ڵاحه‌ددین / پیرمام، مام جه‌لال
له‌قه‌ڵاچوالان / دوکان.. ده‌ست پێده‌کات وه‌ک ئه‌وه‌ی ته‌نها
ئه‌ودووکه‌سه هه‌بن، خۆیان گووته‌نی له‌و هه‌رێمانه‌دا.خۆش ئه‌وه‌یه باسی
مافی هاووڵاتیش ده‌که‌ن..کام هاووڵاتی ئه‌وه‌ی که ته‌نها له کاره‌ساتێکی
زۆرسه‌ختی ئۆتۆمبیلدا ناوی له هه‌واڵه‌کانیاندا دێت...باشه خۆهه‌ردووکیان
جیهانی پێشکه‌وتوویان دیووه، بۆنازانن که‌له‌و ووڵاتانه‌دامیدیاو
هه‌واڵه‌کان زۆرجار به‌باسی منداڵێک ده‌ست پێده‌کات که هێشتا له سکی
دایکیایه‌تی..
بۆ مه‌گه‌ر
نازانن بڵاوبوونه‌وه‌ی ئه‌وهه‌موو وێنه‌یه‌تان مایه‌ی شه‌رمه‌زارییه
بۆ به‌نێوحیزبه‌کانتان..
هه‌رلێپرسراوێکی
ئیداری قسه‌ده‌کات له تیڤێکانتانه‌وه وێنه‌یه‌کی یه‌کێک
له‌دووبارزانیه‌که یان تاڵه‌بانی له‌پاڵ ئاڵاکاندا دا ناوه له‌جێگه‌ی
وێنه‌که‌ی دیکتاتۆری پێشوو.. پـــیرۆزه..ئه‌وه‌یشمان هه‌ربه‌ده‌سکه‌وت
پێده‌فرۆشنه‌وه.. گه‌لۆ…ئه‌وه‌ی
ئێمه وویستمان گۆڕینی عه‌قڵیه‌ته‌که‌بوونه‌ک ته‌نها گۆڕینی
وێنه‌وده‌مووچاوه‌کان..
مام جه‌لال باس
له‌له‌ناوبردنی واسیته‌وبیرۆکراتیه‌ت ده‌کات له کوردساته‌وه به‌ڵام
به‌شێوه‌ی وه‌عزدانی مه‌لایانه وبه‌هه‌ڕه‌شه، به‌بێ ئه‌وه‌ی
که‌پلانێکی بۆدابنێت و باسی ئه‌وه بکات که چۆن وه له‌ماوه‌ی
چه‌نددائه‌م بیرۆکراتیه ته‌له نێوده‌چێت إإ چه‌ند قازانج ده‌کرێت
ئه‌گه‌رله‌ناوبچێت..؟ ؟ ؟ ئه‌وه‌تا وه‌زیری دارایی به‌ریتانیا ئه‌م
مانگه‌به پلانێکی داڕێژراوه‌وه ئه‌و بابه‌ته ی خسته‌به‌رده‌ست..
ئه‌وجۆره‌کارانه‌هه‌روابه‌خوتبه‌ی مه‌لایانه ناچێته‌سه‌ر یان ئه‌وه‌تا
ئه‌میش هه‌رقسه‌یه‌و هه‌روه‌کوو یه‌کگرتنه‌وه‌ی ئیداره‌کانه..
ئه‌وه‌حکومه‌ته‌ساواکه‌بووبه‌نزیکه‌ی چوارده‌ساڵ و تازه به تازه
خه‌ریکی ڕێکلامه بۆ كاڵای بێگانه.
خه‌ریکی فرۆشتنی
موڵک وماڵی میلله‌ته‌به‌که‌رتی تایبه‌ت..جێگه‌ی خۆیه‌تی به‌بیریشتان
بهێنمه‌وه که فۆلکلۆری کوردی هه‌مووی گۆرانیه‌به‌باڵای کچی
چوارده‌ساڵا..به‌ڕاستی شه‌رمم به‌خۆدێت ده‌نا به‌یتێکم له‌و شاکارانه
پێش که‌ش ده‌کردن.
تێبینی:
ناوی هیچ
جۆره‌کاڵایه‌ک که‌له‌کوردساته‌وه‌ڕێکلامی بۆ ده‌کرێت،
لێره‌دانه‌هاتووه، وابزانم دیاره که بۆچی ناویانم نه‌هێناوه..
هیوادارم
کوردساتی خۆشه‌ویستیش لێمان زوویرنه‌بێت..چونکه له‌گۆرانیه‌که‌ی
خۆیداده‌ڵێ: کوردسات ده‌نگی
(ئه‌گه‌ر ڕه‌نگی
هه‌موانه یان کوردانه) پاشان هه‌رخۆی له‌دێڕی دواترداپه‌شیمان
ده‌بێته‌وه‌و ده‌ڵێ (ڕه‌نگی سه‌وزمانه) گۆرانیه‌کوردیه‌که‌م
به‌بیردێنێته‌وه که‌ده‌ڵێ: بزماره وبزماره..بزمارنیه‌ومێخه...یارم
کچه‌شێخه..
ئه‌وجا
ئیترئه‌گه‌رئه‌مه‌یش نه‌بێته‌ڕێکلام بۆ کچه‌شێخ...باشه..
سوید 2004 /07/
23
rojourahman@yahoo.co.uk
