نووظين ... ئومصد سنجاري

پیره‌مێره‌ك ل‌ به‌رابه‌ر ده‌رگه‌هێ ئاڤاهیێ ێی راوه‌ستایی بوو ل دویف كلیلێن ده‌رگه‌هی دگه‌را، هه‌ر ل وی ده‌می دا، نووڤین گه‌هشته‌ به‌ر ده‌رگه‌هی و بگرنژینه‌كا كورت گووتی، رۆژباش و رابوو ده‌رگه‌هێ ئاڤاهیێ ڤه‌كر و رێك بوو پیره‌مێری خوه‌ش كر هه‌تا ده‌ربازی ژوور ڤه ببیت، و بوو چه‌ند سانییه‌كا نووڤینی هزر ل جیرانێ خوه ێی پیر كر! نووڤین ئه‌و ده‌مه‌ك بوو د ناڤا چه‌ند ئاریشا دا دژیا، و گه‌له‌ك ێی بێزار بوو، پشتی خاترا خوه ژ جیرانێ خوه خواستی ده‌ربازی خانیێ خوه بوو ب شادی ڤه‌ هه‌ست كر كو گه‌هشته جهێ بكاربیت لێ هیزرێن خوه لێكبده‌ته ڤه و دگه‌ل بوویه‌رێت نووی خوه بگونجینیت پشتی بێزار بوویی و نه‌كاری هیڤیێن خوه بینیته دی، و خوه ته‌سلیمی ژیانه‌كا ساده كریی، هه‌ر وه‌كۆ به‌ری نه‌ها فێر بووی، نووڤین ب بێزاری كۆمپیوته‌رێ هه‌ل دكه‌ت و د چیته دناڤ ئینته‌رنێتێ ده و بوویه‌رونوچه‌یێن جیهانێ و وه‌لاتی دخوه‌ندێ! لێ پشتی خوه‌ندنه‌كا بله‌ز بێزار دبیت ب وان بوویه‌رونوچه‌یان و ژێ دره‌ڤیت و ل دویف ده‌ ته‌ماشه‌یی پۆستا خوه دكه و دبینێ كو پۆسته‌ك ژ لایێ هه‌ڤالا وی ڤه یا هاتی تێدا دبێژیت " چاوانی نووڤین، من ناما ته‌ وه‌رگرت...ببووره من نه‌كاری زووتر به‌رسڤا ته بده‌م...ئه‌ز یا باشم، ئیش وكارێت من ب رێڤه‌ دچن، سۆپاس...ب خاترا ته."

ئه‌ڤێ ناما هه‌ر كۆرت نووڤینی شێت دكه‌ت و تووشی دوو گیانییه‌كێ دبیت، جار یێ شاده و جار ب وێ به‌رسڤێ یێ بێزاره.ته

 و تێته‌ بیرا چاوا وی چه‌ند سه‌عاته‌ك ب نڤێسینا وێ نامێ مه‌زاخت و چه‌ند جارا ل دویف په‌یڤا دگه‌را دا بكار بیت نامه‌كا قه‌شه‌نگ بنڤیسیتن بو وێ هه‌ڤالێ، و بگرنژینه‌كا بێزار دبێیژیت : ب به‌رسڤه‌كا وه‌ها دڤێت ئه‌ز ێی رازیبم، چونكه كه‌سێ تاقه‌تا من و هزرێت من نه‌مایه.