نه‌ورۆز

شیعر / عه‌بدوڵا په‌شێَو

ئاواز و موزیك / ئه‌رسه‌لان كامكار

ئه‌مساڵَ بێ چیا نه‌ورۆز ناكه‌م

بێ بۆنی گیا نه‌ورۆز ناكه‌م

نه‌ورۆز ناكه‌م ...

بێ بڵَێسه‌ی سووری ئاگر

نه‌ورۆز ناكه‌م ...

ئه‌گه‌ر ڕِه‌شبه‌ڵَه‌ك دروستنه‌كه‌م

خۆم نه‌بم به‌سه‌رچۆپی كێش

*             *

كزه‌ی جه‌رگم

به‌یانی زوو هه‌ڵَمسێنه‌

زۆر ده‌ترسم

كه‌وێك , كارێك ,گوندێك

شارێك , چه‌مێك , چیایه‌ك

له‌بیر بكه‌م !

*        *

زۆر ده‌ترسم .. زۆر ده‌ترسم

دارێك , به‌ردێك , كوختێك

گه‌ردێك , بنجه‌گیایه‌ك له‌بیر بكه‌م

*            *

به‌یانی زوو هه‌ڵَمسێنه‌

دیسان مه‌ڵێ : با تێر خه‌و بێ

سوێندم به‌چیا خواردووه‌

كه‌ كوردستانه‌ دووره‌كه‌م

به‌گه‌رمێن وبه‌كوێستانه‌وه‌

بگوازمه‌وه‌ بۆ غه‌ریبی ..

بۆژووره‌كه‌م !!