زام

شیعر: شیركۆ بیكه‌س

ئاواز ومیوزیك: سه‌لاح ڕِه‌وف

گه‌ر دوو زامی له‌شی باخێك

ده‌ست له‌ملی ئازاره‌كانی یه‌ك نه‌كه‌ن

چۆن برینی گوڵی باخچه‌ی

 دونیای دوورتر ساڕێژ ده‌كه‌ن ؟!

به‌دوو كه‌ناری ڕِوبارێك

باڵی فڕِینی باڵَنده‌ی یه‌كتر بكه‌ن

بۆ باڵَنده‌ی ده‌ریای دوورتر

چۆن هیلانه‌ دروست ده‌كه‌ن

*        *

گه‌ر هه‌ژاران هه‌موو نه‌بن

به‌ئاگرێك , به‌كڵپه‌یه‌ك

گڕِ له‌دێوی هه‌ژار خۆری

ئه‌م كوردستانه‌ به‌رنه‌ده‌ن

چۆن هه‌ژاری ئه‌م دونیایه‌

چۆن ڕوباری ئه‌م دونیایه‌

چۆن باڵنده‌ی ئه‌م دونیایه‌

له‌چنگی دێوی گه‌وره‌تر قورتار ده‌كه‌ن ؟!