نه‌سیم

شیعر /  د . عابیدی سیراجه‌دینی

ئاوازو میوزیك / حه‌سه‌ن یوسف زه‌مانی

نه‌سیمه‌كه‌ی ساردی پاییزی

 چ بێڕه‌حمی ؟ چ دڵَ به‌ردی؟!

سووری گوڵَ و سه‌وزی گوڵَزاران ئه‌به‌ی تۆ

 ڕِوو به‌ ڕه‌نگ زه‌ردی

ئیتر ناپرسی به‌م كاره‌

 هه‌زاران دڵَ برینداره‌ !

به‌نه‌غمه‌ی شادو مه‌ستانت

هه‌زاران سوبح و شه‌و , بولبول

سه‌فای هێناوه‌ بۆ گوڵَشه‌ن

له‌ده‌وری عاریزی سونبول

ئه‌تۆ پاییز گوڵَت ژاكاند

به‌جه‌ورت , بولبولت تاراند

*        *        *

مه‌شۆره‌ سا لاپه‌ڕه‌ی سووری

گوڵاڵه‌ی ده‌شت و هه‌وری ڕه‌ش

مه‌كه‌ دێوانه‌ بولبولی ئاسوود

به‌یه‌كجاری له‌ ژین بێ به‌ش

ده‌ پاییز به‌س بێ ئازارت

خودایه‌ كوانێ به‌هارت ؟!

ده‌ پاییز به‌س بێ ئازارت

خودایه‌ كوانێ ئازارت ؟!