ّژوان

( له‌ناورِه‌شماڵی خێڵان)

شیعر / د. عابیدی سیراجه‌دینی

ئاواز / مه‌زهه‌ری خالقی

له‌ناو رِه‌شماڵی خێڵان

له‌ناوچه‌ی ئێلی گۆران

كیژه‌ كوردێ چاوبه‌ڵه‌ك دێ

بۆ لای دڵدار بۆ جێ ژوان

به‌چرپه‌و ده‌م پێكه‌نین وبه‌له‌نجه‌

بۆڕِانه‌ بێره‌و مه‌ڕِدۆشین

دڵَ پڕِ له‌هیواو ئه‌وین

چه‌ند جوانه‌ ئه‌و ڕِاوه‌ستانه‌

دلَه‌ خورپه‌ی مه‌ستانه‌

*           *

له‌گۆشه‌ی جێ دڵَداری

چاوه‌رێی شه‌ده‌لاری

خودا ئاخۆ كه‌ی دولبه‌ر بێ

بۆ جێ ژوان بۆ دڵَداری

له‌پڕ ئه‌بینێ دولبه‌ری , وه‌ك په‌ری

وه‌ستاوه‌ په‌ری په‌یكه‌ری

له‌جێ ژوان له‌نادیاری

چه‌ند جوانه‌ ئه‌و ڕِاوه‌ستانه‌

دڵه‌ خورپه‌ی مه‌ستانه‌